Инсан атурай

Инсан къведа и дуьнядиз, 
Уьмуьр лугьур пар винеллаз. 
Гьар сад жеда ама гьализ, 
Чпиз кьабул тIвар винеллаз.

Са инсанар хъуьтуьл жеда, 
Муькуьбуру сад-сад неда, 
Садбур регьят рекьиз къведа, 
Садбурни хьи кIар винеллаз.

Сад агалкьда алим хьана- 
Дуьнядиз тIвар-ван авуна... 
Садани чlур квалах кьуна 
Дустагъ фида кар винеллаз.

Са инсанар угъри жеда, 
Садбур мелек-гьури жеда,
Дугъририлай дугъри жеда 
Садбур ихтибар винеллаз.

Чир жедач чаз гьим вуж ятlа, 
Авайди я гьим гьи пата. 
Хупl жедачни, инсанар къвен,
«Сортар» чирдай чар винеллаз...