Яр кьуна жуваз

ИчIи рикIив гьатнач рекье,
Акур-такур туна рикIе.
Галудна и якIун тике,
Пар кьуна жуваз.

Хайи чIалан дад акуна,
Руьгь шиирда шад акуна,
Сир гафунив сад авуна,
Яр кьуна жуваз.

Шикил чIугуна виш азабдин,
Виш суьгьуьрдин, виш запабдин.
Уьмуьр лугьур са ктабдин
Чар кьуна жуваз.

Гъил къачунач тIалдин гъили,
Наз гайитIан хвешивили,
РикI ахъайна цаву, чили,
ЦIар кьуна жуваз.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.