Вучиз на зи рикIел херна?

Вучиз на зи рикIел херна?
Терс килигна гуьгьуьлдиз?
На кьисметдал вучиз хъверна,
Туна уьмуьр сефилдиз?
Чизвачирни, Аллагьди чаз
Уьмуьр сад тир гайиди?
Ви писвилин гунагьрик кваз,
Са зун тирди кайиди?
Чизвачирни, за кIанивал
Вун паталди хвейиди?
Эх тахьана ви къайивал,
Сувун чуьлда кьейиди?
Шехьзава вацI, къал къачуна,
Вилин стIал акахьна.
Кьисметни зи, тIал къачуна,
Селдин хурук акатай.
Кьезилардач накъвари дерт,
Мад вилерай авахьай.
Рагъул мийир, хьана вун перт,
Зи рикIин цав алахьай?

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.