РикIел хкана

Асеф Мегьман

Хайи халкьдиз лайихлудаказ къуллугъ авур, лезги эдебиятдикни музыкадик чIехи пай кутур сейли композитор, шаир, драматург, «Дагъустандин халкьдин артист» тIвар къачур Асеф Мегьман чи арада амачиз са йис хьана. Йисар къвез алатда, анжах адан экуь къамат садрани чи рикIерай акъатдач. Халкьди адан тIвар гьамиша рикIел хкида, адалди дамахда. Алай йисан 2-июлдиз КцIар шегьердин медениятдин кIвале кьиле фейи мярекатдини икI тирди мад гъилера субутна. 
Чи камалэгьли рикIел хкуниз талукьарнавай межлис гзаф гурлуди хьана. Асеф Мегьманакай рахай алимри, интеллигенциядин векилри ва маса ксари сеняткардин яратмишунриз чIехи тир къимет гана, адахъ галаз алакъалу агьвалатар рикIел хкана. Шумудни са ктабдин, 200-далай гзаф манийрин автор тир Асеф Мегьманан гзаф манияр халкьдин  меце гьатнава. Адан «Зи Седеф», «Шуршурали», «Харубегни ЦIарубег» комедияр, «Къванцин сандух» драма шумудра сегьнедал эцигна. Халкьдин патай гьуьрметдин лишан яз КцIар шегьердин куьчейрикай садаз Асеф Мегьманан тIвар ганва.
Мярекатдин эхирда кьиле фейи концертда маничийри Асеф Мегьманан фадлай вириниз сейли тир манияр лагьана.  

"Самур" газет

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.