Рутулай мад са алим

Мариза Огълановна Ибрагьимова

Мукьвара ДГПУ-дин умуми языкознанидин кафедрадин доцент, филологиядин илимрин кандидат Мариза Огълановна Ибрагьимовади “Рутул чIалан диалектра падежрин гекъигунин характеристика” темадай филологиядин илимрин докторвилин диссертация хвена.
М.Ибрагьимова 1971-йисуз Рутулрин хуьре дидедиз хьана. Махачкъаладин 33-нумрадин юкьван мектеб акьалтIарайдалай кьулухъ ам ДГПУ-дин филологиядин факультетдик экечIна. Вуз акьалтIарай 1993-йисалай къенин йикъалди алимди языкознанидин кафедрада зегьмет чIугвазва.
Лагьана кIанда, Мариза Ибрагьимовадин къелемдикай илимдин 60-далай артух кIвалахар хкатнава. Абурун арада монографияр, къецепатан уьлквейрин илимдин журналра чапнавай макъалаяр, жуьреба-жуьре конференцийрал кIелнавай докладар ава. Ада Кавказдин чIаларин месэлайриз талукьарна Дагъустанда, Адыгеяда, Москвада, Гуржистанда ва Германияда тешкилай илимдин конференцийрани иштиракна. Алимди са шумуд сеферда МГУ-ди филологиядин рекьяй тешкилай Вирироссиядин илимдин конкурсра кIвенкIвечи чкаяр кьуна. Ам “Кавказдин лингвистикадин журнал” ва “Социально-педагогический институтдин вестник” журналрин редакцийрин коллегийрик ква. Мариза Ибрагьимовади гьакIни “РФ-дин халкьарин чIалар (Кавказдин чIалар)” пешекарвиляй аспирантринни соискателрин илимдин кIвалахриз регьбервал гузва. Вуздин преподавателдин кIвалахдихъ галаз санал ада ДГПУ-дин диссертацийрин советдин илимдин секретардин везифаярни тамамарзава.

Мегьамед  Ибрагьимов
Лезги газет

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.