Кьуьд

Кьуьд атана, амач ракъар.
Куьруь хьана вири йикъар.
Къай къекъвезва къайи чилел.
Живедин цак къвазва кьилел.
Гила рикIел хкиз гатар,
Ачухиз чун жеда кIватIар.
КIвалера чи хъсан, чими,
Хизандиз вуч я къе кими?
Хквезмач руш, хквезмач хва.
Хурув кьуна кьурай чха.
“ЧIехиди я газдин къуват!”
Лугьуз, рахазва чи Тават.
АмачтIани сиве сарар.
Гафарив кьаз, кутаз гурар,
РикIел хкиз девир куьгьне,
А вахтариз ягъиз тегьне.
Рахазва ам бахтарикай,
Къенин цIийи вахтарикай.