Перейти к основному содержанию

Билбил

Мажбурна зун ацукьиз къе дакIардихъ
Билбилди са, яб гуз вичин хабардиз.
Ам рахазвай, куьн чIалахъ хьухь, рикIивай.
Тарцяй пипин, яргъа авай рекьивай.

Адаз яб гуз, лув гана зи гуьгьуьлди,
Амукьнач зи руьгьдихъ стIал туькьуьл тир.
Тухарна зун адан гуьзел мугъамди,
Акьван чIагай, акьван ширин макьамди.

Гатфарикай рахазвай ам атанвай.
ХъуьтIуьн юкьвал къацу рекьер атIанвай.
Гьавани лап гьамга хьтин михьи тир.
Яб гуз адаз, и югъ пара экуь тир.

Лув гана за адахъ галаз цавара,
Закай михьиз хьанвай дили авара.
Гьамиша и дуьнья ислягь хьанайтIа,
КIандай рикIиз, билбилри ам гъанайтIа.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.