Эй, дурнаяр, шумуд касди
Квекай чIалар атIана?
Азад дуьнья квез я хасди,
Ингье мад куьн хтана.
Гьиниз кьван я рекьер-хуьлер,
Лагь заз, зани чIал кхьин.
Тур заз хъфей рекьин гелер,
РикIеринни чим, ифин.
Вегь са цIакул, за ам хуьда
Юкьва туна ктабдин.
Хквез, мадни куьн хъфида,
Зун тек тамир азабдик.
Дурнаяр, куьн чукурзава
ХъуьтIерин пис гьавайри.
Куьне сесер чукIурзава
РикIеравай давайрин.
Рубрика
Добавить комментарий