Рагьиматан сес

Рагьиматан ван хьайила
Радиодин патав ялдай
Ара-бир рикI сал хьайила,
Магнитофон худда твадай.
Ви сес пара хуш тир рикIиз,
Гьар жуьредин дерт алудиз
Сесин иес акун патал
Къвез кIан жедай гьадан кIвализ.
Аллагьди ваз ганвай къуват,
Ахцегьрин рикI шадун патал,
Вичин сесин ширинвилел
Вири миллет садун патал.
Рагьмет хьурай Рагьимат ваз
Женнетдикай макан хьурай.
Сабур гурай мукьвайриз ви,
Ахцегьри ви ери кьурай!