Багьа я чаз мез ширин яз рахарди,
Хуш хъуьрена, билбил хьтин акварди,
Ширин мецел къазанмишда булахар,
Рахух ширин, герек жедач дамахар.
Къамат жуван ширин мецел чIагура,
Гуьзел суфат, мез ширин яз, къалура.
Са вахтундан ширин мецез гумир зур,
Ахьтин меци ийич жизви ви кар чIур.
Ви мецизни килигзава кIанивал,
Рахаз хьайтIа, хъижеч адахъ регъуьвал.
РикI ачух яз, мез шириндиз рахарди
Гьам я хьи, чи и дуьньядин михьивал.
Мез чи экв я, эхир са къуз туьхуьдай,
Вил галамаз, эхир са къуз рекьида
Туькьуьл гафар, гьарма санихъ чикIида,
Ширин меци чи кьилел рагъ хкида.
Рубрика
Добавить комментарий