Перейти к основному содержанию

За мектебда

За мектебда кIелдай чIавуз
За кьведрикай авуна хъел,
КIелна пудар, кьудар къачуз,
Гьич вадрик зи акакьнач тIем.
Вадрал кIелиз кагьул хьана,
Велосипедрал машгъул хьана.
Ахвар текъвез, дарих хьайила,
Жувахъни са къилих хьайила,
Чандардин цихъ къаних хьайила,
Чарни-къелем гъилик хьайила,
За къелемдив чарчел гелна,
Ахпа за кьве вузда кIелна,
Жуван халкьдихъ галаз мелна...
Хьана гъиле къуллугъарни,
ТIимил-шимил шулугъарни.
Захъ гъалатIар буллух хьана,
Кьадардилай артух хьана.
ТIебиатдин набататриз
Лагьанач за: “Зун тух хьанач”.
ГьакI тирвиляй зи пенжекдик
Пулдив ацIай къултух хьанач.
Зи мал-девлет артух хьанач,
Я зал атай са кIукI хьанач.
Чуьнуьхнач, кIвал дулу хьанач,
Зи далудихъ “халу” хьанач.
Парчагъандал чIехи хьана,
Зун литинал рехи хьана.
Къавах тар хьиз - яргъи хьана...
Гъил - ачух, рикI чIехи хьана.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.