Дербентди - чIехи шаирдиз

Гатфарин, гьакI вири йисан виридалайни гуьзел, къешенг, гьар жуьре рангарин атирлу цуьквер бул тир майдин варз саки кьиляй-кьилиз суварар хьиз я: 1-Майдин, ЧIехи Гъалибвилин. Гуьгъуьналлаз шииратдин суварни. Амни чIехи камалэгьли, устад СтIал Сулейманан тIварунихъ, садрани рикIелай алат тийир яратмишунрихъ галаз алакъалу я.
СтIал Сулейманан жавагьиррихъ инсан илгьамламишдай, руьгьдик лувар кутадай къуват-гьайбат ава: йисар, девирар алатурдавай арифдардин чIалар гена цицIи-цIийи жезва, на лугьуди, абурукай гзафбур къе кхьенвайбур я. Халкьдин халис шаир гьа ихьтинди хьун герек я. Адаз къадим Дербентдани гуьмбет хкажун кутугай, пара абурлу кар хьана.
18-МАЙ. Нянин сятдин кьуд жедалди Дербентда Лезгийрин Стlал Сулейманан тlварунихъ галай госмуздрамтеатрдин вилик квай майдандал шегьерэгьлияр, Кьиблепатан Дагъустандин районрай муниципальный органрин ва интеллигенциядин векилар десте-десте кlватl жезвай.
Майдан гъилера цуькверин кlунчlар авай, хуруйрал Георгиевский лентер алай аялрив ва шегьерэгьлийрив ацlана.
Абур Дагъустандин халкьдин шаир, чIехи арифдар Стlал Сулейманаз гуьмбет ачухунин мярекатда иштиракиз атанва.
Мярекатда шегьердин 2000 йисан юбилейдиз Стlал Сулейманан гуьмбет савкьат яз пишкеш авур (вири харжияр вичел къачур) Дербентдин кьил Имам ЯРАЛИЕВА, РД-дин Халкьдин Собранидин Председателдин заместитель Сейфуллагь ИСАКЬОВА, РД-дин Кьилин патай Кьиблепатан территориальный округда тамам ихтиярар ганвай векил Мусафенди ВЕЛИМУРАДОВА, Халкьдин Собранидин депутат Гьамидуллагь МЕГЬАМЕДОВА, Дагъустандин культурадин министрдин заместитель Мурад ГЬАЖИЕВА, Сулейман-Стальский, Мегьарамдхуьруьн муниципальный районрин кьилер Нариман АБДУЛМУТАЛИБОВА, Фарид АГЬМЕДОВА, Дагъустандин Огни шегьердин кьил Гьалим ГЬАЛИМОВА, Кьурагь, Хив ва маса районрин, общественный тешкилатрин векилри, шаирри, писателри ва шегьерэгьлийри иштиракна.
Тебрикдин сифте гаф рахай Имам Яралиева Стlал Сулейман Дагъустандин халкьдин сад лагьай шаир тирди къейдна. - Стlал Сулейман, - лагьана ада, - четин кьисметдин инсан тир. Вичин яратмишунра адалай девирдин татугайвилер, четинвилер, кьиле физвай зурба гьерекатар  къалуриз алакьна. Ам XX асирдин зурба вакъиаяр кьиле физвай вахтунда яшамиш хьана ва вичин эсерра абуруз дуьзгуьн къиметни гана. Адан шиирар гилани виридалайни гзаф кlелзавайбур ва руьгьди кьабулзавайбур яз ама. Гьеле Максим Горькийди, Стlал Сулейман СССР-дин писателрин съезддал сад лагьай сеферда акурла, ихьтин гафар лагьанай: “Заз а кьуьзуь касди, президиумда ацукьна, пlузар юзуриз-юзуриз, шиирар гьикl теснифзаватlа, акуна... Жавагьирар арадал гъиз алакьзавай ихьтин шаирар хуьх”.
Гьа и чIавуз М.Горькийди Сулейманаз “ХХ асирдин Гомер” лагьана, еке къимет ганай. Лишанлу кар ам я хьи, Стlал Сулейманаз гуьмбет неинки Литературадин йисуз, гьакlни ам дидедиз хьайи юкъуз, Дербент шегьердин 2000 йисан юбилейдин чlехи суварин вилик ачухзава. Стlал Сулейман Дербентдани яшамиш хьана. Уьлкведин гзаф чкайра хьайидалай гуьгъуьниз ина ада вичин машгьур са кьадар эсерарни теснифна. Имам Яралиева буьруьнждин гуьмбет арадал гъайи машгьур скульптор, Россиядин, Дагъустандин халкьдин художник Гьейбат Гьейбатоваз, адан хва Сабир Гьейбатоваз, гуьмбетдин архитектор Сергей Ягудаеваз чухсагъул лагьана, ихьтин гуьмбетар ачухуни кьетlен къуват гузвайди, чун чешмейрин руьгьдиз, чи ата-бубайрин ирсиниз мукьва ийизвайди къейдна.
Микрофондихъ Сейфулагь Исакьов атана.
- Къе и гуьзел мярекатда иштиракдай мумкинвал хьун зун патал чlехи шадвал я, - лагьана ада. - Гьар са халкьдихъ виДербентди - чIехи шаирдиз Къагьриман ИБРАГЬИМОВ чин шартlлу лишанар ава. Чи халкьдин яратмишунрин, лайихлувилин, камаллувилин дережа къалурзавайди Стlал Сулейман я. И йикъара шаирдин Махачкъада авай гуьмбетдал цуьквер эцигдайла, РД-дин Кьил Рамазан Абдулатипова Стlал Сулейман гьамиша вичин халкьдихъ галаз хьайиди, яратмишунра халкьдин руьгь къалурайди къейдна. За квез гуьзел гуьмбет ачухун мубаракзава. 
Мярекат Нариман Абдулмуталибан рахунри давамарна:
- Играми шегьерэгьлияр!
Имам Музамудиновичан ва чи машгьур скульптордин зегьметдин нетижада Стlал Сулейманан зурба гуьмбет ингье къе чи вилик ква. И йикъара Дагъустандин интеллигенцияди шииратдин йикъар, зурба шаир Стlал Сулейман дидедиз хьайидалай инихъ 146 йис тамам хьун шад гьалара къейдзава. Чlехи мярекат чна райондани тухвана. Акьалтзавай несилрив Сулейманан жавагьирар, абурун маналувал агакьардайвал чун вири патарихъай алахъзава. Чна районэгьлийрин патай Имам Яралиеваз, гьакI виридаз ихьтин ядигар мубаракзава.
Бакуда кардик квай литературадин “Марвар” кIватIал руководитель Эйваз Гуьлалиева и важиблу кар мубаракна, вичин ва Стlал Сулейманан шиирар кlелна.
Ада вич яратмишунрал Сулейман бубадин гуьзел, камаллу жавагьирар кIелуникди желб хьайидакай, абуру гзафбуруз илгьам гайидакай лагьана. Адан шииррин гьар са цIарцIяй халкьдин дерин акьул камал аквазва. Герек дуьшуьшра абур чи мецел камаллу мисалар хьиз къвезва. Бажарагълу шаирдин чIал халкьдин эбедивилин лишан, ярж я.
Шад мярекатдал гьакlни Мурад Гьажиев, шегьердин контрольно-счетной палатадин председатель Маил Ибрамхалилов, шаир, литературовед Кичибег Мусаев, СтIал Сулейманан хтул Лидия Стальская, шаир Сажидин Саидгьасанов, 21нумрадин школадин лезги чlаланни литературадин муаллим Ирада Гуьлчиева рахана. Театрдин артистар тир Жасмина Гьабибулаевади, Амалия Керимовади шаирдин шиирар кlелна, Фаризат Зейналовади манияр лагьана. Гуьмбет ачухунин яру лент атlун патал Имам Яралиеваз, Мусафенди Велимурадоваз, Сейфуллагь Исакьоваз, Мурад Гьажиеваз теклифна. Анал цуькверин тажар, кlунчlар эцигайдалай гуьгъуьниз Лезги театрдин коллективди кьилин режиссер, Дагъустандин халкьдин артист Мирзебег Мирзебегова махсусдаказ кхьенвай сценарийдин бинедаллаз “Сулейман бубадиз мугьманвиле” тамашаконцерт къалурна.

Къагьриман ИБРАГЬИМОВ
Лезги газет

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.