Урус чiалал рахаз тежез

Юлдашари ракъай кагъаз 
Метлеб гъиле гьат хьана заз. 
Ам, ypyc чIал тежез рахаз, 
Са кIус азият хьана заз.

Гьелбет, лагьай а альманах 
Жед лагьай гаф агакьна захъ. 
Юлдашарин хъсан кIвалах 
Ван хьайила, шад хьана заз.

Чир хьана заз анин жаваб,
Далбадал акъудин ктаб.
Юлдашарин гьар са жаваб 
Гьарма амарат хьана заз.

Дугъридан, и юлдашарин 
Ахьтин фикир авай дерин, 
Гафарикай пара ширин 
Сиве артух дад хьана заз.

Чи куьгьне чIаларин устIар, 
Чидайд тир вич пара затIар, 
Юлдаш Maксим Горкидин тIвар 
Кьурла, лап регьят хьана заз.

Гьатнамазди а затI гъиле 
Зи хцивал гьеле - гьеле, 
Гьар патахъай акьул кьиле 
Жем хьана, лап кIватI хьана зал.

СтIал Сулеймана тирвал 
Лугьун адан я шаирвал. 
Хабар кьуртIа мад зи чирвал 
Садаз виш къуват хьана заз.

I936

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.