Чуваш миллет шаирдиз

Юлдашди заз орден тебрик 
Авур гьа xaбap агакьна. 
Шаирвиляй вич зав шерик 
Заз гьадан ванар агакьна.

Азиз юлдаш, чуваш миллет, 
Кьабулна за а ви зегьмет, 
Ви чIалар, а пара къимет 
Авай жавабар агакьна.

Шаирвилиз я вун ухшар, 
Акуна заз на кхьей чар. 
Хьана зав къаншарба - къаншар, 
На кхьей затIар агакьна.

Ви гьадия лап чи кIвализ, 
Чир хьухь, агакьна зи гъилиз. 
Туна за а кагъаз кIелиз, 
А чIулав цIapap агакьна.

Писател яз къанни цIуд йис 
Хьана кьван вич чIуриз - кхьиз. 
Вунни шаир я кьван халис 
Зал ви гьа гафар агакьна.

Сталски Сулейман зун,
Къужа я са чуру лацу. 
Шелеби вич Полоусу, 
Зал ви гуьзел тIвар агакьна

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.