Заз савкьват ракъана

Заз музейдай юлдашари 
Са хъсан caвкьат ракъана. 
Чеб иттифакь хьана вири 
Еке тир къуват ракъана.

Меслятдив чпин арадай 
Зун членвилик кутадай 
Чи чIехи тир центрадай 
Мягькем аманат ракъана.

Заз зун фидай гегьенш тир ряхъ 
Жагъана заз адан суракь, 
Ихтиярдин ихьтин яракь - 
Хци тир ният жагъана.

Юлдашари чпиз лайих 
Къаст хьана икI зунни хуьнуьх, 
Йикъалай - къуз хуш тир къилих, 
Хуш тир тIебиат ракъана.

Яз акъвазнач зунни гъафил, 
Гьар патахъ ачух я зи вил, 
Йикъалай - къуз хуш тир гевил 
И эдебият ракъана.

Юлдашари чIугур зегьмет 
Течирди туш зунни, гьелбет. 
Haгагь дуьз авуртIа къимет -  
Виш агъзур манат ракъана.

Ахтармишна зи шаирвал, 
Гьар са къайда вичин тирвал, 
Йикъалай-къуз хуш тир гевил 
Жедай тербият ракъана.

Интересни ихьтин кагъаз 
Знакдилай виликамаз, 
СтIал шаир Сулейманаз 
Властдин къуват ракъана.

I935

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.