Гъавурда гьатин

Юлдашар, зун хьана рази, 
Куь виридан рикIер шад хьуй.
Са гаф ава лугьур квез зи:
Социализм пара фад хьуй.

ИкI чун санал хьана къарши,
Зи гевил лап хьана хвеши,
Чи юлдашар- эркек, диши-
Къалай-къуз артух абад хьуй.

Фагьумна за инин гьалар,
Чи юлдашарин хиялар,
Фяледин, лежбердин чIалар
Даим-эбед гьа ик1 сад хьуй.

Гьич са карни туш хьи четин,
Герек чун гъавурда гьатин.
Юлдашар чи гьукуматдин
Садаз виш агъзур къуват хьуй.

Сулейман, вун рахух дерин,
Мез ава вахъ пара ширин.
Чаз такIан чи душманарин
РикIер гьакI гъам чIугваз пад хьуй.

I934

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.