Дербент масан

Гзаф чкайра къекъвей кас я зун,
Куьчери элдин векил инсан яз,
РикIел аламатIани Парижни Лондон,
Зун патал къадим Дербент масан я.

Бакуда кIелна, мухбирвал чирна,
АкуначтIани и кар асант яз.
Гур Тегьрандини ганатIан чим, наз,
Зун патал къадим Дербент масан я.

Нефсер азгъун яз, тух тежез вилер,
Лацу тарихдал тур чIулав гелер,
Надир шагьни, гьакI ханарни беглер
Гатай майдан тир и игит шегьер,
Зун патал къадим Дербент масан я,
Вири алемдиз зи сес, зи ван я!