Къадри вуч чир хьуй

Къудур хьайла ягъайтIан кек, 
Мумкин туш кал хьунухь эркек, 
Бич буьркьуь яз такурдаз экв 
Фанардин къадри вуч чир хьуй.

Алакь тийиз шейъ гуз - къачуз, 
Тийижирдаз багьа - ужуз, 
Тижаратда тирдаз ажуз
Базардин къадри вуч чир хьуй.

Течиз вичиз хъсан, я пис, 
КьатIун тийиз жуван межлис, 
Лагълагъ ийиз, тежердаз кис, 
Дилвардин къадри вуч чир хьуй.

Макьамарнал гьар бабатдин, 
Тийижирдаз кар нубатдин, 
Лейлидив гвай муьгьуьббатдин, 
Азардин къадри вуч чир хьуй.

РикIив лезет тагудзавай, 
Уьмуьр бушдиз акъудзавай, 
Мажнуна кеф хкудзавай 
Дилбердин къадри вуч чир хьуй.

Лагь, Суьлейман, мус хьуй эхир 
Гуьзлемишиз на ви хийир, 
Тийирдаз пис карди таъсир 
Зарардин къадри вуч чир хьуй.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.