Къавумди акъудда ви чан

Башламишна кьада къавум, 
Эвел гафар акваз иер. 
Гуьгъуьнлай тух жеч а залум, 
Чир хьухь, фекъир, адан тегьер.

Тариф ийиз вичин рушан, 
Кутур, - лугьуз ваз, - са лишан, 
Гуьгъуьнлай акъудда ви чан. 
Гуч ваз ада хийир, бегьер.

Гьар хемисдиз кIан жеди аш, 
Киткид адан руфуник каш, 
Лугьуди ваз: мад пул хкваш. 
ТIуьр ризкьини жед ваз зегьер.

Кьве виш манат пул яз умуд, 
Дуьгуь, ягъни, рипеяр пуд,
Гьич тахьайтIа гъери са пут, 
Яхун тахьуй гъайи вад гьер.

Сад садаз кьун хьана душман. 
Эхир кьиляй жед вун пашман. 
СтIалви шаир Сулейман 
Чидайди я адан тегьер.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.