Цiайлапанд эсер я фяле

Винел патай вун вили къван, 
Къене пад гевгьер я, фяле.
Вич багьад я жезамай кьван, 
Властдин жевгьер я, фяле.

Дустуниз ийидай хатур, 
Душманариз къалуриз тур, 
Чи Ленин юлдашди кутур, 
Гьа багъдин бегьер я, фяле.

А кьегьал юлдашрин гьава 
Фагьум ая гьарда жува. 
КIанидан дердиниз дава,
ТакIандаз зегьер я, фяле.

КIавузардал гатадай ракь, 
Пелекай гьакI шуткьуниз гьекь, 
Чи властдин гьаят турвакь 
Мягькемдай кIунер я, фяле.

Са гъиле мих, сада кIута, 
Гьар са фабрик твадай худда, 
Кефи шад яз гьар завудда 
Чи гьарай - эвер я, фяле.

Лежбер юлдашар ахварай 
Авудиз, гьан, лугьуз, къарагъ! 
Кесибар гьяркьуь рекьерай 
Тухвай вич регьбер я, фяле.

СтIал Сулеймана тир гьал - 
ЦIивинарай хьайи кьегьал 
Уьткемвилиз эвел эвел 
ЦIайлапанд эсер я, фяле.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.