Чи властдин къеле

Гьелбетда, чи властдин къеле 
Дуьнья май кьван чIур жедайд туш. 
И гьуьруьят къачур фяле 
РикIиз мад кичIезамайд туш.

Партиди акъудай къарар  - 
Гьаниз я чун вири икьрар. 
А эвелан куьгьне крар 
Чаз мад гьич герекзамайд туш.

Чаз азадвал къачур устIар
Зурба Ленин я адан тIвар;
Багьри мугьитI вичин фикирар - 
Гьич са вахт хкахьзамайд туш.

Гьукуматдин цIийи багълар - 
Гила хьана жегьил чагълар. 
Чи властдин къацу дагълар 
Рагъ финалди кьуразамайд туш.

Тадач чи арада иблис, 
Зегьметчийриз хьана межлис, 
Хьана бегьем цIемуьжуьд йис, 
Чун гила гъвечIиз амайд туш.

СтIал Сулейман ксана 
Акъваздайд туш фикир сана. 
Гила чи келле ацIана, 
Саданни ичIиз амайд туш.

1933

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.