Кесибни, уртабаб, батрак...

Юлдашар, гатфар тадарак 
Куь гьазурлухар гьазура. 
Кесибни, уртабаб, батрак,
Калхуз ypтaxap гьазура.

КIантIа яц хьуй, кIантIа гамиш, 
Хъсан цан цуз квез бегенмиш. 
Куьтен раса, хъсан дуьзмиш 
Перерни магъар гьазура.

Терг ая куь куьгьне гьалер, 
Гьар патахъ килига вилер, 
Ахтармишиз хам - хам чилер, 
Къурамат накьвар гьазура.

Гуьзет ая пата-къерех, 
Мягькем яхъ на и цIийи рехъ. 
Вахтундамаз гатфарин нехв 
Цаз куьне тумар гьазура.

Лугьуз акъвазмир куьн «пака», 
Къемаз къайгъуда яхъ чка. 
Жезамай кьван цаз гьажикIа 
Хъсан тум, xapxap гьазура.

Гад я лугьуз са нар деве - 
Къведа ама тваз куьн кIеве. 
Башламишдай адав дяве 
Кьадай яракьар гьазура.

Зи гафарал хьухь куьн рази. 
Кагьулвалмир, жегьил, кьуьзуь, 
Жезамай кьван цаз квез рузи, 
Куь къуьлер, мухар гьазура.

СтIал Сулейман, вун килиг. 
Физава юлдашар вилик. 
Вядедамаз тумар чилик 
Кутадай куь гъар гьазура.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.