Эгер хъсан хьайитIа къунши,
Жув гьадалай жемир наши.
РикI ачух яз ятIа хвеши,
Гьадазни ваз хьиз хъсан я.
ТIвар кьаз эвериз гъенелай,
Вич ширин рахаз мецелай,
Хатурлубур гьич жеч квелай,
ГьакI юкъуз, йифиз хъсан я.
Масабуруз гана на яб,
Къуншидиз гьич ийимир таб,
КIвалахар жез хьайитIа харапI,
Гьам дуьзар хъийиз хъсан я.
Сада-садаз ийиз эвер,
Аладариз мелни мехъер.
ПIузарални хьайитIа хъвер,
Йикъалай йифиз хъсан я.
КутуртIа цIийиз адетар,
Садани тийиз къелетар,
Арада аваз гьуьрметар,
Санал рекье физ хъсан я.
Рубрика
Добавить комментарий