Дуьнья

Садаз - мехъер,
Садаз йикьер,
ЧIуру я ви
Терез, дуьнья.
Сад я агъа,
Садни къаргъа,
Бахтар чIуруз
Ганва, дуьнья.
Девлетлу пад
Жезва абад.
Кесибд тахсир
Вуч я, дуьнья?
Сад пуларал,
Сад кьуларал
Къаткурзава
Вучиз, дуьнья?
Садаз базар,
Садаз азар
Кьисметнава
Вуна, дуьнья
Сана - гуьлле,
Сана - луьле.
Куьз инсафсуз
Я вун, дуьнья?
Сад - цавара,
Сад - ахвара.
Им гьахъ яни
Види, дунья?
Садаз - къацар,
Садаз - цацар
Куьз пайнава
Вуна, дуьнья?
Садал - паяр,
Садал - къаяр
Туьшарзава
Ажеб, дуьня!
Сад дагъларин,
Сад багъларин
Иеснава
Вучиз, дуьнья?
Садахъ - машин,
Садаз - гишин
ГьикI жеда, лагь,
Абур, дуьнья?

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.