Перейти к основному содержанию

Зи хтул

Пагь, шадвилин авач кьадар,
Бахтлу я къе зун.
Эрзиман я юкъуз-йифиз
Къужахда ам кьун.

Жегьилдин хьиз кузва зи чан,
КIанивал такур.
ЧIалахъ хьухь куьн, жеда гьейран
Гьар са кас акур.

Адан шуькIуь гъилин тупIар,
ГьакI бурма чIарар.
Лацу хурни хъуьруьн къайнар,
РацIамар, сарар...

Пехил жеда адан тамам
Сес галукьай кас.
Малаик я багъишай ам
Гададин зи свас.

Гафаралди жедач завай
Квез ийиз тариф.
ЧIалахъ хьухь куьн, четин я заз,
Гафар туш гьайиф.

Зи къужахда авазва къе
Чи кIвалин бахт бул.
Зи кIаниди, вилин нине,
Зи назик хтул.

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.