Перейти к основному содержанию

Багьа инсан

Чпиррин хуьриз Шагьдин ценерай
20 км.- рекъяй яд гъайи Агъамурад Рамазановаз.

Зи хуьруьн юкьвалай хкаж хьайи рагъ,
Вун элдин даях я, вун элдин чирагъ.
Зи рик1ин ц1арарин къагьриман я вун,
Зи элдин эбеди эрзиман я вун.
Са лезги дидедин верци нек хъвайи
Са гьалал бубадин суфрадин абур.
Тек са вун акъатна, хуьруьз яд гъайи
Ч1урнач на элдин гаф, ханач на хатур.

Яргъал Находкадай яргъи авур гъил.
Дагъ хьтин рик1 ава, стха ви чанда.
Ви рик1ин вилик за агъуззава кьил
Вун багьа инсан я, лекьре маканда.

Ч1угун патал элдин жафа
Рик1 к1анда чанда.
Вуч хъсан я къагьриманар
Ама ватанда.

Вуч хъсан я, вик1егь ксар
Чи арайра ама мад.
Гьалал я ваз, кьегьал инсан
Хуьруьн фуни, хуьруьн яд.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.