«Балшавик» я чи вацiун tibap

Балшавик я чи вацIун тIвар, 
Ударник я сел атайла. 
Душмандин багъдай еке тар 
КIаняй къудна хъел атайла.

Къулан пуна ацукьна хан, 
ЦIай кутуна жезамай кьван. 
Гьар кесибдин яру къажгъан 
Алахьайд я, звал атайла.

Ашкара гьич тежез рахаз, 
Гьарда вичин рикI гъапа кьаз, 
СакIан тежез пIузар жакьваз - 
Дердияр рикIел атайла.

Архайинвал тежез рикIин, 
АтIайла кесибдин мумкин, 
А ахварал тефиз секин, 
Куьгьне хире тIал гьатайла.

Гагь регъуь жез, гагь - гагь кичIез, 
ПIузарар хъуьрез, рикIер шез. 
Эхир кьилни эхиз тежез, 
Авахьна буьвел ацIайла.

КIвачерик акатна пешер. 
Чилел лукьна душмандин нер 
Квахьайд я медалар, чинер, 
КIутани мукал атайла.

Башламишна цавун ванар, 
Ягьиз яру цIайлапанар. 
Пад хьана куьгьне руфунар, 
Къене гзаф ял гьатайла.

СтIал Сулейманаз чи чIал 
Чида, айиб къведач вичел. 
Кесиб къвазна жедай кIвачел, 
Девлетлу кимел атайла.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.