Балшавикдин цIийи насус
Ава, гьа гьуьлер кьурурай,
Хал янавай пуд виш йисуз
А ктIай ятар кьурурай.
Куьгьне багъдин туькьуьл ичер,
Авахьна цуькверин пешер.
Яру сарар авай мишер,
АтIуз гьа тарар кьурурай.
Ихтияр къахчуна гъиляй,
Эллериз аватна виляй,
Терг авуна чIулав гъуьлягъ
Вичикай зегьер чукIурай.
Советски власт яз тIвар
Ава чаз багъ кутур устIар.
ЦIерид йисан къелемдин тар,
Дуьньядиз бегьер чукIурай.
Куьгьне дердер, куьгьне гъамар –
Хкахьна чи цIаяр, гумар.
Гумазама чав гьа лумар
А куьгьне дагълар чукIурай.
СтIал шаир Сулейманаз
Чидай затI туш шахси - гъараз.
Чи властдиз ава са газ
А зурба къванар цIурурай.
Рубрика
Добавить комментарий