Пiуз хъуьрезвай лежбер

Гатфар бере жеда вун шад, 
Акъвазда пIуз хъуьрез, лежбер. 
Трактордал ая майшат, 
Кьамир куьгьне туьрез, лежбер.

Къацу чIурал ксуз вердиш 
Твамир pикle куьгьне тешвиш. 
Гьич са затI туш алишвериш -  
А гирвенка, терез, лежбер.

Стхаяр я вунни фяле, 
Яхъ са - садан гъилер гъиле. 
Кьур акъатай бязи чиле
Цан цамир на даяз, лежбер.

За лагьай гьал хьун тавуртIа,
Вядеда яд гун тавуртIа, 
Тумар пара цун тавуртIа, 
Кар аватда кIевез лежбер.

Гьар са техил гатуз кIватIа, 
Гьазурма тур, тур на кIатIа 
За лагьайвал икI тахьайтIа, 
Акьахда фу тараз, лежбер.

Гьар гьи касди чIугвад жафа, 
Гьа-гьадаз дад гуда фуа. 
Жуваз лазим тир везифа 
Чира жува - жуваз, лежбер.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.