Гьар садаз газетдин къайда

Юлдашар, Куьре районда 
ЦIийи имарат хьана чаз, 
Гьар садаз газетдин къайда 
Чир хьана, регьят хьана чаз.

Гьар са касдихъ аркан - эдеб, 
Жуван фикир жува ая, 
И мубарак тир гьадия - 
Еке тир савкьват хьана чаз.

Гьар са касдихъ аркан - эдеб, 
Агакьна, кесибар, метлеб, 
Гьар са хуьре цIийи мектеб 
Ийидай ният хьана чаз.

Гьайиф фейи йифер, йикъар, 
Илим хьанач, я чахъ курсар. 
КIел авуниз гила тарсар 
ИкI хуш тIебиат хьана чаз.

Крар чириз сиясатдин, 
Къасти гьам тир чи Советдин, 
Гила акъатай гьарфар латин 
Еке тир къуват хьана чаз.

Гьар са батрак хьана уях, 
Артел яз сад садав уртах, 
«Колхозчийрин яру пайдах» 
Гила гъиле гьат хьана чаз.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.