Ихьтин завуд акурд туш

Куьре райондин консерви - 
Заз ихьтин завуд акурд туш. 

Акурла зун лап хьана тух,
Гьакьван зи кеф хьана ачух. 
Ширинвилиз идлай артух 
ВиртIедин шуьрбет акурд туш.

Гзаф жед дуьньяда затIар, 
Мергьеба, им авур устIар, 
Идан ширинвилин кьадар 
Гьич шекер, набат акурд туш.

Гзаф затIар за мад тIуьна, 
Гьардавай за затI кьатIана. 
За и дуван икI атIана:
Заз ихьтин лезет акурд туш.

Гзаф жеда шейэр бязи, 
Месела, кишмишни къайси, 
Я къенфет хьуй, я пампаси. 
3аз ихьтин нямет акурд туш.

Фяле, лежбер хьана шерик, 
СтIал Сулейман, вун килиг. 
Гзаф жеда завуд, фабрик. 
Гьич идан гьайбат акурд туш.  

I935

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.