Зун фенававай гуьдай никIял,
3аз садан зегьмет акуна.
Гъиле кьуна зурба мукал,
Заз адан зегьмет акуна.
Гьелбет, ада чIугур жафа,
Эхир ада къачуд сафа.
Гъиле кьуна зурба бафа,
Заз адан гьайбат акуна.
Гьатна юлдашрилай кIвенкIве,
Тагьси6 туна вичин рикIе.
Даздаяр хьиз цуьлер еке, -
Заз гьадан зегьмет акуна.
Гьална гъилел курчун тупIал,
Элкъуьриз гьакI гапIал - гапIал
Мягьтел хьана зун а папал:
Заз гьадан зегьмет акуна.
Вегьиз чилел яргъи чикьер,
Гьар патахъ акъудиз рекьер,
Алахьиз вичелай гьекьер.
Заз гьадан зегьмет акуна.
Гьар патахъ аладриз самар,
Лап ахъа яз къачуз камар,
Адан мукалдин а гьунар -
Заз адан гьайбат акуна.
Гьар къуз пудкъад цуьлер атIуз,
Арабадал хкиз ратIруз,
Гатаз хкиз техил кIатIуз -
Заз ихьтин адет акуна.
Гьар пакамахъ жедай кIвачин,
Къуьне - чанта, гъиле - гичин.
ТIварни Инжихан тир вичин -
Заз адан зегьмет акуна.
1935
Ирид цIуд йис уьмуьр хьана,
Зиллетдикди четин фена,
СтIал шаир Сулеймана
Фагьумзава икI куь крар.
I935
Добавить комментарий