Сухван тiал

Гагь дакIурда вуна зи хъвяхъ:
TIвap жеда ви гагь «сухван тIал» 
Жезамач мад зун ви чIалахъ, 
Ви гафунихъ гьикI агъан, тIал?

Кьуьзуьбуруз жеда вун бул, 
Фекъирари ийиз кьабул 
Гагь вал тIвар эхцигна «купул», 
Иеси кьий ви, юкьван тIал.

Гьикьван на зун бес къугъурда, 
За заз чара гьикI жагъурда,
Гьи гьалда вун тван гьавурда,
...................................................

Жеч вун хьтин мердимазар, 
Кьве йис я зун ийиз бизар 
Къваз тавуна даим aзap, 
Вуна лагь, за гьикI чIугван, тIал?

Йикъалай - къуз зи кар четин, 
Ви гъавурда зун гьикI гьатин,
Вакай зун бес гьиниз катин, 
ГьикI зун хъуьрен, вав къугъван, тIал?

АтIумир тIун на зи аман, 
Гьелекмир фекъир Сулейман! 
Кьуз пуд чIавуз туькьуьл дарман 
Гьикьван нен за, нагьакьан тIал?

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.