Са къаридинни къужадин чiиргъин

Са къариди авур чIиргъин 
Кас галачиз тIуьн хьана кьван
Адан вичин ният якъин 
Садазни тагун хьана кьван

Адаз мадни хзан авай 
А йифиз гьарма санавай 
Гъуьл бейхабар ксанавай, 
Ахварай (а) ватун хьана кьван

Хъел кваз къарагънай и къужа 
Адан крар гьатна гужа 
Къарид гъиле гьатна маша, 
Яшлу тим гатун хьана кьван.

Яшлу итим акьул кими, 
Якни гъуьргъуь хьана жими, 
Кьарид ният вичив ими 
Якъин агатун хьана кьван.

«Заз куьз тунач, лугьуз, xaпIa?» 
Шехьиз кесиб кьуьзуь буба, 
Гъуд вегьейла кьамуз папа, 
Къецихъди катун хьана кьван.

ЧIарар расу, сарар кьери, 
Жеда тек - тек гьахьтин къари. 
Гьарай эвер ийиз вири 
Магьлеяр кIватIун хьана кьван.

Кесиб къужа, куьгьне фяле 
Гьатна залум къарид гъиле. 
Эхир абур турди кьиле 
Гьунар илимдин хьана кьван.

Сулейман, акъуд ви дафтар, 
Гьана кхьихь на гьа кафтIар. 
Заз кичIе я а папан тIвар 
Лугьуз, лап четин хьана кьван.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.