Кьулан стiалрин кустарнада

Юлдашар, зун лап ажайиб 
Хьана, им вуч тешвиш ятIа? 
Минет хьуй, зун мийир айиб. 
Белки зи гьал бейгьуш ятIа.

Кустарнада Кьулан - хуьряй 
Сa затI акуна заз храй. 
ТахьайтIа ам заз ахварай 
Акун хьайи дуьшуьш ятIа.

Ругуд юкIун чичIед гебе, 
ГъалатI квачир гьич са аббе. 
Кхьенавай гьар са пипIе, 
Чидач, ам вуч нехиш ятIа.

Хьанач завай а кар жузаз:
АтIлас, диба, дере храз, 
Чидач, aм я виликамаз 
Фабрикара вердиш ятIа.

Гьар рангарин гъалар цIилих, 
Бафта хьиз гилигна кьилихъ, 
А ударниквилиз лайих, 
Чидач заз ам нин руш ятIа.

Эй Сулейман, ахьтин папар 
Жедай адет я мад санбар. 
Ахцегьани яхъ на хабар, 
Ваз ахьтин бегенмиш ятIа.