Дугъриданни коммуниствал
КIан я мягькем хьунухь, юлдаш.
Ишлемишин хъсан дуьзвал,
Хуш яз жуван къилих, юлдаш!.
Акьул кIватIа кьиле жува,
Фагьум - фикир ая вуна.
Къвазмир бейхабар ксана.
Вилер ая ачух, юлдаш.
Фагьум ая на, къе - пака
Жедайвал я ви а чистка.
Ягъалмиш яз кьацIай чка
АватIа ви, чуьхуьх, юлдаш.
Фиркъе - эгьли эцигна тIвар,
Жуваз течир гьич са зaтIap,
Жез кIанзаван бес ваз устIар,
Maсмаp течиз, я мих, юлдаш?
Мез ширин, вич туькьуьл хини,
АкI жедайд туш хьи партийни.
Сарариз гуз векъи куьнуь,
ГьакI жедан бес лайих, юлдаш?
Сулейманаз вири чида,
Гьахьняй гафар ише фида.
Иски чувалда яргъи жида
Жез мумкин туш чуьнуьх, юлдаш.
Рубрика
Добавить комментарий