Перейти к основному содержанию

Пис инсандив гзаф ара

Пис инсандив гзаф ара 
Хьунухь кефи хун я, валлагь! 
Ихтибармир на, фукъара - 
Эхир буш рахун я, валлагь!

Заз акуна шумуд сана, 
КъекъечIна зангар кьацIана. 
Ваз аквамир ам ацIана, -  
Туш, - ичIи каркун я, валлагь!

И заманда гила тек - тек 
Мерд итим ваз жагъид эркек. 
Ваз парча хьиз акваз ипек, -  
Туш, - ам памбаг хун я, валлагь!

Са затI кIан жен ваз вичивай, 
Дуьдуьг гуд вав са вижевай. 
Адан ният эхир жувай 
ЧIарчIин цIил чIугун я, валлагь!

Гагь ламран хьиз кIвачер секуьл, 
Гагь иблис кьаз вичиз векил, 
Акун къене катран шикил, - 
Tyш, - къара къузгъун я, валлагь!

Нече шумуд гьахьтин дустар, 
Шумуд сад фитнедин устIар! 
Серф гьатайтIа, адан къастар, - 
Чир хьухь, - вун тукIун я, валлагь!

Нагагь ви гьал хьайтIа зайиф, 
Гьич чIугвач ада ви гьайиф, 
Чинал рахун вичин тариф 
Вилик твар кIвахун я, валлагь.

Вахъ аман жеч, адахъ - иман, 
Ам  дуст кьунал жед вун пашман. 
СтIалви шаир Сулейман 
КIел тавур ахун я, валлагь.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.