Перейти к основному содержанию

Мунафикьди авур гьилле...

Фагьум ая акьван зиллет 
Къачур инкъилаб, кесибар. 
Къирмиш хьайи фекъир миллет 
Кьейи кьван тим, паб, кесибар.

Залумдин хва, залум кешиш, 
Эвелдай авур ягъалмиш, 
Гьалдарна авуна къирмиш, 
Гуз тунач жаваб, кесибар.

Югъни хьана вични базар, 
Дуьшуьш хьана мердимазар, 
Яру вийрин фена вацIар, 
Хьана лап кьасаб кесибар.

Чебни гишин фекъир, фяле, 
Гьар патахъай гана гуьлле. 
Мунафикьди авур гьилле 
Ише фена таб, кесибар.

Петербургдай атай тIурфан, 
Пулеметни бомбадин ван, 
Гьа инал хьана а дуван 
Анин гьахъ - гьисаб, кесибар.

Къирмиш хьайи фекъир эллер 
Яру вийрин фена селлер, 
Язух хьайи гьабрун гьалер, 
РикIел гъваш азаб, кесибар.

Кесиб фиркъа - балшавикар, 
Жендекар авуна кукIвар, 
Чилерал аватна якIар, 
Гуж хьана гзаф, кесибар.

Сулейманан веревирдер, -  
Лугьунар я ихьтин бейтер, 
Лениназ хьайилахъ и дердер, 
Ада гана яб, кесибар
 

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.