Я руш

Руш, къведайла булахдал
За ви гьуьрмет хуьз хьана.
Ашукь хьана дамахдал
Жуваз къведай хьиз хьана.
Физ Къубадиз, Кцlариз,
Тамаш ийиз базардиз.
Къачун лугьуз зи ярдиз
За ваз паяр гъиз хьана.

Акуна ви наз-дамах,
Зунни хьана лап чlалахъ,
Сифте тlарам кьур кlвалах
Эхирдай гъуьргъуьцl хьана.
Фидайла зун зи кардал
Аватна пис хабардал.
Лугьуз хьана ви ярдал,
Чарадан кар дуьз хьана.