Жезва

Бахтсуз за, вал кхьидай кьван,
Лацу чар, вун бахтсуз жезва.
Кьисметдихъ кваз ккIидай кьван
Ажални зал вахтсуз къвезва.

Цавариз за гьарайзава
Бахтар завай гъарайзавай:
-Вуч кIан я квез кьурай завай,
Вучиз куьнни гьахъсуз жезва?
Какахьнаваз жуьмяни гьяд,
Кай бахтунал кана зи гъед
Катна гъиляй зи руьгьдин къвед,
Ягь кьуна зун ягьсуз жезва.

ДакIар кIеви, ахъа я рак,
Ахъа хьунал за гъизва шак,
Самурдаллаз сергьятдин хак
Шалбуз я зун, Шагьсуз жезвай.

Эхиз жеда тIар хьайтIа тан,
КIармашдайла тIалди зи чан,
Эхиз жезвач ви тIал, Ватан,
Зун рикI кьуна нагъвсуз шезва.