РикIикI галаз ихтилат

Вучиз къе икI чIулав ятIа
ЧIимел югъ хьиз я рикI вун?
И мукьвара дегишарнай,
ЧIугуна харж за, рикI вун.
Анжах хьи вун дегиш тахьай
Ви тIул тIул я, кар гьа кар.
Дуьнядани гьакьзамач вун,
Дуьняни ваз хьанва дар.

Шаирдин рикI ятIани вун
Сулейман туш, Эмин туш.
Дуьня гуьзел, уьмуьр гуьзел,
Вучиз бэс вун секин туш?
ГьакI ятIани акъваз тийиз,
Зун галатна лагьана:
Ватан патал, халкь паталди,
Вун кузва икI датIана.

Агь, рикIерни акуна заз...
Дерт, хажалат авачир.
Вучзава за а рикIикай
Лезгид иви галачир?
Вун гьулдан я, хан тийидай
Сефил ятIан, я рикI вун.
Виш намерддан рикIик галаз,
Дегишардач за рикI вун.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.