Перейти к основному содержанию

Зи хиялар

(Са гьаятдал чкIанвай векьин кIунт акуна заз)
Хъуьтуьн юкъуз, са касд гъенел
Са векьин кIунтI аламай.
Элкъвез-элкъвез тIуьна, адан
Тандик тIимил галамай...
Са вацралай гьа касди мад
Эверна заз-фена зун.
И сеферда кIунтI акурла,
РикIивайни шена зун...

КIунтI чкIанвай, алтIушнавай
Адал хипер, данаяр...
Фикир гана за а касдиз,
Авур ихьтин хиялар...
Хурук кIекIецI, кьве къат хьана
Акъвазнавай агь, а кас.
АватIани вичихъ анжах
Ругуд хвани, ругуд свас.

Абур вири шегьердавай
Динж тир чка-чкадал.
Ругуд йис тир, анжах абру
Кьил чIуг тийиз бубадал.
Агь бубаяр, чи багърияр,
Патав гада, свас тахьай,
Хьайи чIавуз эхир нефес,
Веси ийид кас тахьай...
Кьуьзу жер кьван куь далудихъ
Акъвазай гьакI къеле хьиз,
Куьн рухайриз лянет хьурай
Буба гадрай пине хьиз.
Ам кIунтIуниз ухшарна за
Къе гьаятдал аламай.
Элкъвез-элкъвез тIуьна куьне,
КIвачел гужна аламай...

Ярх хьайила хкведа куьн
Бубад къула цIай хъийиз?
Ваъ! Куьн хьтин рухваяр кьий-
Бубадин мал пай хъийиз.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.