Зи чанда ц1ай ава даима кузвай

Зи чанда ц1ай ава даима кузвай
Туьхъуьнар тахьанвай океанривай!
Зи тандал хер ала гьей иви гузвай
Сагъариз тахьанвай виш йисаривай!

Секинар хъжезмач рик1ин ягъунар -
Ритмаяр къачунва "лезгинкадикай",
К1вачери дегишиз вичин экъуьнар
Зверзава регъвуь жез садаз садакай.

Хайи чил зи тан я, диге балайриз,
;;;;;;;;;;;;Лайлаяр хьанва заз гарун ванцикай.
Шириндиз ксуда фена ахвариз
Къуьцуьган авуна адан къванцикай.

Экуьнахъ Каспидлай рагъ экъеч1дамаз
Гьик1 хьана к1ан тежен и диде ватан!
Нянихъди Шагьдагъда рагъ эк1идамаз
Хуш тушни гьай гузвай к1ани ярдин ван!

Тарихдин гелера чна куьк1уьрай
Ц1аярлай алахьиз гумар амазма.
Хвалара руьхъедал чна туьк1уьрай
Бахтавар йикъарин "тумар" къе цазва!