Перейти к основному содержанию

Мугур бадедиз чар

Мугур баде, Мугур баде,
Чал са абур на тур, баде,
Икьван дамах гумир вуна
Юкь хьанва ви кангур, баде.

Мугур баде яйлахдава,
Кал-гемишар парахдава.
Йифди-югъди к1валахзава,
Незвайди я на шур, баде.

Хьран къенез к1арас вегьиз,
Къуншид папар вуна негьиз,
Яр рик1ел къвез, гагь-гагь шехьиз
Цик1андиз ягъ цуп1ур, баде.

Кварцин къене тек тугъ ама
Сумавурдал эхь, бугъ ама
Муртуз хквез са югъ ама
Ия т1ун на сабур, буба.

Хтулри ваз пай ракъурай,
Ви бедендиз ц1ай такурай,
Хурай, садран сагъ тахьурай
Вун дак1андан ятур, баде.

Рагъ ак1ана, цав гъетер я,
Ви багъ кьуд пад нуьк1, къветер я,
Ксус са к1ус, чил пекер я
Ийимир на хур-хур, баде.

Ви сандухда пулар бул я,
Бегьер тарак лап кул-кул я,
Чин ч1улаврин, им ви т1ул я
Мийир гуьгьуьл на ч1ур, баде.

Чи къуншидал къе дем ала,
Къе кьуьзекар бегьем ала,
Ви тугъадал лап ч1ем ала
Вилик кутур на хур, баде

Гьикьван на зун хар авурт1ан,
Рик1из дак1ан кар авурт1ан,
Секинвал на гар авурт1ан
Хадач за ви хатур, баде.

Муртузни Цаз жеда лукьман
Ви дердериз вун амайкьван,
Шагьмарданни къведа мугьман
Къачудат1а са зур, баде.

Мвегъуьн тарак квак жедай туш,
Чи тамара вак жедай туш,
Ви фередал  як жедай туш,
Чрай лаваш т1ур-т1ур баде.

Инай фида вун Вегъ-вегъиз
Жуваз дигай са буьшме гъиз,
Шуткьу гъиле мег эвегъиз,
Вахчагдин чан пур-пур баде.

Гьикьван эхда нагьакь крар,
Илисир кьан хана сарар
Кьуьзуь ят1ан атан ярар
Кабаб хьана чурчур баде.

Эйваз, Билал къайи хьана,
Муртуз буба хайи хьана,
Халудикай дайи хьана
Ч1алар, крар ч1ур-ч1ур баде.

Жуван к1вале жув тамада,
Къапар свасан кьилел хада,
Хинк1ар ая ,къарагъ фада
Цазразни тур са тур баде.

Муртузан гъил агъуз хьана,
Югъди "вызов" ракъуз хьана,
Кредитни тагуз хьана
Вуна къачу контур, баде.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.