Мус къведа вун?

Заз Кц1ара акур гуьзел, лагь Муьшкуьрдиз мус къведа вун?
Муьгьуьббатдин гаф гъиз мецел, зи уьмуьрдиз мус къведа вун?!

Муьшкуьрд чилел алай цуьквер гуьрчегбур я, чизва элдиз,
Чи чуьллериз дагъдин шагьвар, ви атир гъиз мус къведа вун?!

Вун такурла т1ебиат заз кьве ранг жеда:лацу, ч1улав,
Зи дердиниз ирид дарман-хважамжам хьиз мус къведа вун?!

Вун рагъ ят1а зунни варз туш - сад ак1айла сад екъеч1из
Санал к1анда ц1укни ялав гум галачиз, мус къведа вун?!

Шагьмарданаз дустар гзаф, душманарни туш авачиз -
Пехил рик1ер, хаин мецер барбат1 ийиз мус къведа вун?!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.