Зи дуст Эльдараз чар

Рик1е ашкъи ц1раз-ц1раз,
Мецел ширин аваз алаз,
Патавни чи Эйваз галаз
Къведа чан дуст зун Кц1ариз!

Рекье шиир "храз-храз,
Мани лугьуз галаз-галаз,
Патавни чи Эйваз галаз
Къведа чан дуст зун Кц1ариз!

Вил Шагьдагъда аваз-аваз,
Рик1 Муьшкуьрда амаз-амаз,
Патавни чи Эйваз галаз
Къведа чан дуст зун Кц1ариз!

Дамахарна тараз-тараз,
Ухшар хьана ц1ийи чамраз,
Патавни чи Эйваз галаз
Къведа чан дуст зун Кц1ариз!

Рекье вакай рахаз-рахаз,
"Волга" туна "Камаздаваз",
Патавни чи Эйваз галаз
Къведа, чан дуст, зун Кц1ариз!

Ви мецик гаф кумаз-кумаз,
Хабар гана Бести вахаз,
Патавни чи Эйваз галаз
Къведа, чан дуст, зун Кц1ариз!

Хиялариз жува-жуваз,
Куь к1валин рехъ жузаз-жузаз,
Патавни чи Эйваз галаз
Къведа, чан дуст, зун Кц1ариз!

Хуьрер кьулухъ са-сад таз-таз,
К1вачерик звер, тяди кваз-кваз,
Патавни чи Эйваз галаз
Къведа, чан дуст, зун Кц1ариз!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.