Лирлияр

Ашкъиди т1ал гузава  заз,
Гьикьван вахт я чанда рик1 таз,
Жагъизвач хьи са чара заз;;
Адан дарман эрекь хъун туш!;

Таран к1аник ичер к1анда,
Ярди гъиле цуьквер к1анда,
Ачух цава гъетер к1анда,
Ишезвайди зун я, вун туш!;;;

Дагъдин хуьряй зи яр къведа,
Заз ак1 жеда гатфар къведа,;
Такурла заз бизар къведа,
Адан фикир заз гаф гун туш!

Ви хиялар дерин ялда,
Зи ниятар чирин ялда,;
Рик1 чими туш, серин ялда,
Дидед фикир вун заз гун туш!

Мугьман къведай зун куь к1вализ,
Сивяй шуьрбет чк1из-чк1из,;
Лирлиярни к1елиз-к1елиз,
Гьайиф  зи яр, гуьзел, вун туш!;

Са к1ус кьван къе эха куьне,
Шиирдикай кутан гуьне,
Ягъамир зи япал зуьрне,
Зи кьаст, дустар, гуьгьуьл хун туш!;;;

Багъ хьайила багъман жедач,
Рик1е зи дагъ - лукьман жедач,
Ашкъ - яргъи рехъ, карван жедач,
И дуьня чаз са файтун туш