Перейти к основному содержанию

Бахт элкъвенвай шаир рушаз

Чара амач зи дердиниз,
 Жегьил уьмуьр зай хьайила.
Кузва беден гум галачиз
Багърибурун ц1ай хьайила.


Садаз гуда залан кьисмет,
Садаз гуда хъсан гьуьрмет,
Эй дуьнья, ваз аван къимет
Зи уьмуьр агь-вай хьайила?

Кьакьан дагълар,аск1ан хьана,
Масанбур заз дак1ан хьана,
Шейт1андин кар яман хьана,
Зун дервишдиз тай хьайила.

Вун куьмек хьухь, первердигар,
Ийимир на зи руьгь бизар,
Сабур амач, вун я дидар,
Бахтуниз гъам пай хьайила.

Ажуз ксар жеда "вик1егь",
Кьил квадарда жеда сефегь,
Карч акъудна жеда са ц1егь,
Эрекьдикай чай хьайила.

Фикир мийир, зун ви стха,
Буба хьиз лап жеда арха,
Низ герек я усал кавха,
Дустар къе ваз яр хьайила?

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.