Перейти к основному содержанию

К1аниди

Шумуд шиир кхьиз ч1урна хаз ахварин ширинвал,
Зи ц1арара иервилив тек вун гьакьнач, каниди.
Тваз хьанач хьи и ц1арара ви вилерин деринвал ,
Рагьни гьакьна, Варзни гьакьна, тек вун гьакьнач, каниди.

Кхьена за муьгьуьбатдин ц1аярикай дат1ана,
Кхьена за цуькверикай зар нехишар ат1ана,
Кхьена за канивилин гьар са легьзе кьат1ана,
Дердер гьакьна, гъамни гьакьна, тек вун гьакьнач, каниди.

Ви темендин верцивал жеч уьртедивай туьхъуьриз,
Акъудна за рик1ин къеняй ц1алц1ам гафар шуьткьуьриз,
Ц1арарикай мармар беден кан хьайт1ани туьк1уьриз,
Шекер гьакьна, уьртни гьакьна, тек вун гьакьнач, каниди.

Акьахна за Шагьдин синел эверайт1а, гьай гудан?
Ви багъдавай няметрикай минетайт1а, пай гудан?
Ашкъидикай, ви гуьгъуьна зун зверайт1а, ц1ай гудан?
Зи рекьера дуьня гьакьна, тек вун гьакьнач, каниди.

Шагьмардан я къекъвезвайди фикир, хиял кьакьанра,
Къвана марфар чуьхвенва зи к1вачин гелер аск1анра,
Уьмуьр фена  хабар квачиз  гагь "яманра", "хъсанра",
Зи бахтуна вири гьакьна, тек вун гьакьнач, каниди.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.