Кьакьанвал

Кич1е ят1ан кьакьандилай килигиз
Зун ивиди сув кьакьанрик ялзава.
Ргар тандал дагъдин шагьвар илигиз,
Ивиди зи рик1ихъ галаз къалзава.

Эверзава заз кьакьанриз лекьери,
Руьгь кьакьанра азадвилел къвекъвезва.
Эверзава гел квахьнавай рекьери
Зи хиялар Шагьдин кук1вал элкъвезва.

Гьар кьакьандаз сув лугьудач лекьери,
Кьакьанвилиз Муьшкуьр хьтин яр герек.
Гьар кьакьандаз лув хгудач лекьери,
Кьакьанвилиз Шагьвар хьтин гар герек.

Рагъ ксузва сув кьакьанрин пелерал,
Алахьна физ кьакьанрилай ялав, нур,
Авахьзава зи гьижрандин херерал.
Кьакьанвили гъизва Чилиз хуш абур.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.